کراچی میں بارش نے ہر طرف تباہی مچادی وہیں ملیر ندی سے نکلنے والے سیلابی ریلے میں گذشتہ روز گاڑی بہہ گئی۔
ذرائع کے مطابق کراچی میں ایم نائن لنک روڈ پر ملیر ندی کے سیلابی پانی میں بہنے والی گاڑی ندی سے ملی گئی، تاہم گاڑی میں سوار 7 افراد تھے جن کا ابھی تک پتہ نہیں چل سکا۔
کار سوار کی کوشش تھی کہ سیلابی پانی کو پار کرکے گاڑی نکال لی جائے گی مگر وہ سیلابی ریلے میں بہہ کر ندی میں جا گری۔
رپورٹ کے مطابق رات کو اندھیرا ہونے کے باعث ملیر ندی میں ڈوبنے والی گاڑی کی تلاش کا کام روک دیا گیا تھا۔
تاہم آج صبح سویرے ایدھی فاؤنڈیشن کے رضا کاروں نے گاڑی کی تلاش کا کام دوبارہ شروع کیا تو لنک روڈ سے 2 سے 3 کلومیٹر دور گاڑی ندی سے مل گئی۔
گاڑی میں ڈرائیور کی علاوہ میاں بیوی اور ان کے 4 بچے سوار تھے، متاثرہ خاندان کے افراد کراچی سے حیدر آباد جا رہے تھے۔