باپ گھر کا واحد کفیل ہوتا ہے جو خاندان کے افراد پر اخراجات لٹا دیتا ہے مگر ایک ایسا باپ بھی سامنے آیا ہے جو انتہائی کنجوس شخصیت کا مالک ہے جس کی وجہ سے اس کی بیٹی شکایت لے کر تھانے پہنچ گئی۔
ذرائع کے مطابق باپ کی کنجوسی کے باعث بیٹی اپنے والد کے 27 لاکھ کی رقم لے کر تھانے پہنچ گئی جس کی خبر سوشل میڈیا پر وائرل ہو رہی ہے۔
جنوبی پنجاب کے ضلع رحیم یار خان سے تعلق رکھنے والے کنجوس شخص کی بیٹی نے پولیس تھانے میں باپ کے خلاف شکایت درج کرائی جس پر پولیس کا کہنا تھا کہ آدمی بہت کنجوس ہے اور گھر والوں پر خرچ کرنے کے بجائے پیسے بچا بچا کر رکھتا ہے۔
پولیس نے لڑکی کے آنے پر باپ کو بھی تھانے بلایا اور اسے گھر والوں پر خرچ کرنے کی تلقین کی۔
اس معاملے کے بعد لڑکی کے والد نے اس بات کی یقین دہانی کرائی کہ وہ اپنا دل بڑا کرے گا اور پیسے اپنے گھر والوں پر خرچ کرے گا۔
پولیس کا کہنا تھا کہ مذکورہ شخص کی بیٹی تھانے اس کے 27 لاکھ روپے لے کر پہچن گئی جس کی خبر ہر طرف پھیل گئی ہے اور گھر میں واردات کا خطرہ بڑھا گیا ہے جس کے بعد کنجوس شخص کا بینک میں اکاؤنٹ کھلوا کر رقم اس میں رکھوائی جائے گی۔
نوٹ: بخل ایک بری عادت ہے جس کی اسلام اجازت نہیں دیتا، بلکہ اگر کمائی گئی رقم اچھے کاموں میں خرچ کی گئی تو وہ گھر میں برکت کا سبب بنتی اور مال میں اضافہ ہوتا ہے۔