پاکستان اور انگلینڈ کی ٹیم کے درمیان لاہور میں سات میں سے بقیہ تین ٹوئنٹی میچز کا میلہ لگ سج چکا ہے۔ ٹی ٹوئنٹی سیریز کے پانچویں میچ میں دونوں ٹیمز قذافی اسٹیڈیم لاہور میں اس وقت مدمقابل ہیں۔
پاکستان نے پہلے بیٹنگ کرتے ہوٸے انگلینڈ کو جیت کے لیے 146 رنز کا ہدف دیا ہے۔
ہدف کے تعاقب میں انگلش ٹیم کی اننگز شروع ہوئی تو شائقین اس وقت حیران رہ گئے جب قومی کرکٹ ٹیم وکٹ کیپر رضوان فیلڈ پر نظر نہیں آئے اور ان کی جگہ محمد حارث وکٹ کیپنگ کرتے دکھائی دیے۔
پاکستان کرکٹ بورڈ کے مطابق بیٹنگ کے دوران انگلش کھلاڑی ڈیوڈ ملان نے بال تھرو کی تو وہ رضوان کی کمر پر جا کر لگی جس کے باعث رضوان آرام کر رہے ہیں، ان کی جگہ محمد حارث وکٹ کیپنگ کی ذمہ داری نبھا رہے ہیں۔
واضح رہے کہ رضوان نے میچ میں 46 گیندوں پر 63 رنز کی اننگز کھیلی۔