پاکستان کرکٹ ٹیم اس وقت نئی سیریز کھیلنے نیوزی لینڈ کے شہر کرائسٹ چرچ میں پہنچی ہوئی ہے جہاں شدید سردی نے کھلاڑیوں کو ٹھٹھرنے پر مجبور کردیا ہے۔ کرکٹر شاداب خان کا ٹوئٹ اس وقت وائرل ہے جس میں وہ سردی سے کانپتے ہوئے امی کو یاد کرنے پر مجبور ہوگئے۔
تصویر میں دیکھا جاسکتا ہے کہ کھلاڑی گرم اونی کپڑوں، مفلر اور کیپ کے علاوہ موزے بھی پہنے ہوئے ہیں۔ واضح رہے کہ کرائسٹ چرچ میں آج بارش کا سلسلہ جاری ہے جبکہ آنے والے دنوں میں سرد موسم اور برف باری کی پیشن گوئی بھی کی گئی ہے۔
البتہ پاکستانی کرکٹ ٹیم کے لئے ٹی ٹوئنٹی سہہ ملکی سیریز کافی یادگار رہے گی۔ گزشتہ روز شاداب خان کی سالگرہ بھی منائی گئی جس پر انھوں نے اپنے ساتھی کھلاڑیوں کا شکریہ ادا کیا۔