10ویں بیٹی کی شادی کے دن خود بھی سہرا سجا لیا۔۔ 40 بچوں کے نانا کی پانچویں شادی! 56 سالہ جوڑے کی دلچسپ کہانی

ہماری ویب  |  Oct 05, 2022

“10 بیٹیاں ہیں سب شادی شدہ۔ جس دن 9 ویں اور 10 ویں نمبر کی بیٹیوں کی شادی تھی اسی دن میں نے بھی شادی کر لی۔ دو باراتیں گئیں اور ایک دلہن آگئی۔ کیونکہ بیٹیوں کے جانے کے بعد میرا آنگن سونا ہوگیا تھا“

یہ کہنا ہے 56 سالہ شوکت کا جو 10 بیٹیوں اور 1 بیٹے کی شادی کرنے کے بعد خود ایک بار پھر دلہا بن بیٹھے۔ شوکت 3 منزلہ گھر میں رہتے ہیں۔ ان کی پہلے بھی 4 بار شادی ہوچکی ہے جن میں سے کسی کا انتقال ہوگیا جب کہ کسی سے ان کا مزاج نہ ملنے کی وجہ سے طلاق ہوگئی۔

100 سے زیادہ روٹیاں پکتی ہیں

ان کے 11 بچوں کی مائیں اگرچہ الگ الگ ہیں لیکن سب ایک ساتھ رہتے ہیں۔ جب ساری بیٹیاں گھر آتی ہیں تو پوری دیگ بن کر کھانا پکتا ہے۔ شوکت کی دلہن کا کہنا ہے کہ گھر میں 100 سے زائد روٹیاں پکتی ہیں لیکن گھر کے کام انھیں اچھے لگتے ہیں۔

پلے پلائے نواسے نواسیوں کی نانی بن کر اچھا لگ رہا ہے

شوکت کے 39 نواسے نواسیاں اور 1 پوتا ہے۔ ان کی دلہن کا کہنا ہے کہ اچانک پلے پلائے بچوں کی نانی دادی بن کر انھیں بہت خوشی ہورہی ہے۔ ٹائمز ناؤ میں شائع ہونے والی خبر کے مطابق شوکت ابھی بھی چاہتے ہیں کہ ان کے مزید بچے ہوں۔ ان کا کہنا تھا کہ شادی کر لینی چاہیے کیوں کہ یہ بہت اچھی چیز ہے۔ عمر کے بارے میں نہیں سوچنا چاہیے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More