کوائل پر سِکّہ رکھنے سے کیا ہوتا ہے ؟ بار بار کوائل خریدنے کے بجائے اس آسان سے طریقے پر عمل کریں اور پیسے بچائیں

وہ کہتے ہیں ناں کہ ضرورت ایجاد کی ماں ہے، تو آج کل پیسے بچانا بھی انسان کی ضرورت ہی بن گیا ہے چاہے پھر دس بیس روپے ہی کیوں نہ بچ رہے ہوں بس بچانے ہیں۔ اور اسکے لیئے لوگ نت نئے طریقوں کی تلاش میں لگے رہتے ہیں کہ کہیں سے کچھ کارآمد ٹپ ہاتھ لگ جائے کیونکہ کبھی کوئی ٹپ کام کرتی ہے اور کبھی نہیں۔

اسی لیئے آج ہم لائے ہیں آپ کے لیئے ایک ایسی زبردست ٹپ جو آپ کے کوائل کے پیسے بھی بچائے گی اور فائدہ بھی پہنچائے گی

اکثر گھروں میں رات کے وقت مچھروں کی بہتات ہوجاتی ہے جس کی وجہ سے انھیں روزانہ کی بنیاد پر کوائل جلا کر سونا پڑتا ہے، اس سے ان کے روزمرہ کے خرچوں میں کوائل کے پیسوں کا اضافہ بھی ہوجاتا ہے۔ جب کہ اگر تھوڑی دیر بھی کوائل جلایا جائے تو مچھر بھاگ جاتے ہیں پر آدھی رات میں کون اٹھ کر اسے بجھائے؟

تو اس کے لیئے سب سے آسان طریقہ یہ ہے کہ رات کو کوائل جلانے کے بعد آپ اس پر ایک سِکّہ رکھ دیں، سکہ رکھنے کا طریقہ یہ ہے کہ جتنا کوائل آپ کو جلانا ہے اسی حساب سے اس جگہ سکہ رکھیں۔ اس سے یہ ہوگا کہ کوائل وہیں تک جلے گا جہاں تک سکہ رکھا ہوگا اسکے بعد وہ خود بہ خود بجھ جائے گا اور آپ کا آدھا کوائل بچ جائے گا۔