پاکستانی فائٹر علومی کریم بھارت کی طرف سے منعقدہ مکسڈ مارشل آرٹ فائٹ جیتنے والے "پہلے" پاکستانی بن گئے، میٹرکس فائٹ نائٹ میں بھارتی حریف کو ناک آؤٹ کرنے کے بعد اعزاز حاصل کیا۔
علومی کریم نے جمعہ کو دبئی میں میٹرکس فائٹ نائٹ ٹورنامنٹ کے 10ویں ایڈیشن میں بینٹم ویٹ ٹائٹل جیتنے کے لیے بھارت کے دھرو چوہدری کو ناک آؤٹ کیا۔
بھارت کا سب سے بڑا ایم ایم اے پروموشن ایونٹ بالی ووڈ اسٹار ٹائیگر شروف نے دبئی میں منعقد کیا جس میں دنیا بھر کے فائٹرز شامل تھے۔
بینٹم ویٹ ٹائٹل کے لیے دھرو چوہدری اورعلومی مکریم کی فائٹ تمام مقابلوں سے مختلف رہی، علومی کریم نے میچ کے پہلے راؤنڈ میں اپنے حریف کو ناک آؤٹ کرکے اپنی مہارت کا مظاہرہ کیا اور یہ مقاملہ شروع ہونے کے چند منٹوں میں ہی ختم ہوگیا۔
علومی کریم نے میڈیا سے گفتگو کرتے ہوئے بتایا کہ ’’میں پہلا پاکستانی ہوں جس نے مقابلہ کیا اور ٹائٹل جیتا‘‘۔
پاکستان کے شمالی ضلع ہنزہ سے تعلق رکھنے والے 31 سالہ نوجوان علومی کریم نے اپنے پیشہ ورانہ کیریئر میں اب تک نو فائٹ جیتی ہیں اور چھ میں شکست کا سامنا کیا۔