کپڑوں نے میرا مذاق بنا دیا ۔۔ یہ لڑکی کون ہے جس نے خواتین کے من پسند ملبوسات پلاسٹک کی بوتل سے بنا ڈلے، مگر جب انہی کو دعوت میں پہن گئی تو لوگوں نے اس کا کیا حال کر دیا؟

مہنگے اور اچھے لباس پہننا تو ہر کسی کو اچھا لگتا ہے مگر کبھی آپ نے سوچا ہے کہ پلاسٹک جو ہمارے ماحول کیلئے بہت خطرناک ہے اس سے ہم کپڑے بھی بنا سکتے ہیں۔ جی ہاں فیصل آباد کی ایک ہونہار طالبہ نے یہ کارنامہ سرنجام دیا ہے کہ انہوں نے پلاسٹک کا استعمال کر کے خواتین کے بہترین ڈیزائن والے کپڑے تیار کر لیے ہیں۔

اس لڑکی کا نام ہے نوشین جو کہتی ہیں کہ میں دنیا میں ایک پیغام دینا چاہتی ہوں کہ پاکستانی عوام ایک ماحول دوست قوم ہے اور رہی بات ان کپڑے بنانے کا خیال کیسےآیا۔تو نوشین کہتی ہیں کہ ہمیں یونیورسٹی میں تھیسز کیلئے ایک پراجیکٹ پر کام کرنا تھا تو میں نے سوچا کہ کچھ الگ ہو۔ یہی وجہ ہے کہ پھر میں نے 5 جوڑے بنائے۔

جن میں سے ایک جینز کے ساتھ پہننے کیلئے شرٹ، دوسرا جوڑا نیٹ اور پلاسٹک ملا کر بنایا پھر یوں ہی جیسے جیسے خیالات آتے گئے تو ڈیزائن بنتے چلے گئے یہی نہیں ان جوڑوں کو بنانے میں 5 ماہ کا وقت لگا پھر ایک دن اپنی دوست کی سالگرہ کی تقریب میں ہم 3 دوست یہی جوڑے پہن کر چلی گئیں تو لوگوں نے مذاق بنایا اور کہا کہ یہ کیا شاپر کے کپڑے پہن رکھے ہیں۔

اسی طرف یونیورسٹی میں لوگوں کا رویہ ملا جلا رہا ہےمگر میں نے دل پر نہ لیا اور سوچا کہ ایسے لوگ بھی تو کافی ہیں جنہوں نے میرے فن کی قدر کی ہے۔ آخر میں آپکو بتاتے چلیں کہ یہ جوڑے اس قدر حسین لیکن ان کا ایک سب سے بڑا فائدہ خواتین کو یہ ہے کہ یہ انہیں برسات کے موسم میں پہن سکتی ہیں۔ جن سے ایک تو کپڑے خراب نہیں ہوں گے اور دوسری طرف کچھ نئے انداز کا لباس پہن کر اچھا بھی محسوس ہوگا۔