اس دنیا سے تو سب ہی کو جانا ہے پر کچھ لوگ اس قدر اچھے اور نیک ہوتے ہیں جن کے جانے سے سب لوگ ہی افسردہ ہو جاتے ہیں۔ تو بالکل آج ایسا ہی ہوا پاکستان کے مایاناز و لیجنڈری اداکار افضال احمد انتقال کر گئے۔
انہیں برین ہیمبرج کے باعث نجی اسپتال لایا گیا جہاں انہیں تمام تر طبی سہولیات فراہم کی گئیں مگر وہ جانبر نہ ہوسکے اور اللہ پاک کی طرف لوٹ گئے۔ یاد رہے انہیں گزشتہ روز 1 دسمبر کو جنرل اسپتال لایا گیا تھا۔ چند سال پہلے انہیں فالج کا اٹیک بھی ہوا تھا جس کے بعد ان کی زندگی مشکل ہو گئی تھی۔
یہی نہیں پاکستانی شوبز انڈسٹری میں وہ افضال چٹہ کے نام سے مشہور ہیں انہوں نے چل سو چل،جزیرہ سمیت کئی ڈرامے اور 200 سے زائد فلمیں میں اداکاری کے جوہر دکھائے۔
اگر ان کی مشہور فلموں کی بات کی جائے تو شعلے، شریف بد معاش، وحسی جٹ اور گلی گلی سر فہرست ہیں۔ اور تو اور ان کی اور قوی خان کی جوڑی انڈسٹری میں مشہور تھی۔