سب نے حکومت کر کے دیکھ لی،ایک پارٹی مسائل حل نہیں کر سکتی،شاہد خاقان عباسی

ہم نیوز  |  Jan 28, 2023

مسلم لیگ ن کے رہنما شاہد خاقان عباسی نے کہا ہے کہ سب نے حکومت کر کے دیکھ لی،ایک پارٹی مسائل حل نہیں کر سکتی،یہ نظام جس طرح چل رہا ہے یہ پاکستان کے مسائل حل نہیں کر سکتا۔

ایک تقریب سے خطاب کرتے ہوئے انہوں نے کہا کہ اسٹیبلشمنٹ، جماعتیں اور عدالتیں ساتھ بیٹھیں اور ملک کی بات کریں، آج ملک مشکل میں ہے، آپ صرف اپنے مفاد نہیں دیکھ سکتے۔

ان کا کہنا تھا کہ پارٹیاں متفق ہوں یا نہ ہوں، کچھ آئینی تقاضے پورے کرنے ہوتے ہیں، الیکشن کمیشن اسمبلی تحلیل ہونے کے بعد 90دن کے اندر الیکشن کرانے کاپابند ہے۔

انہوں نے کہا کہ35سال سے ایک جماعت کا حصہ ہوں اور آج بھی اس کا حصہ ہوں،ہم اپنی جماعتوں سے ناراض ہوکر نہیں بیٹھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More