حکومت نے اس بار بھی پرانی روایت دہراتے ہوئے غریب عوام کی کمر پر مہنگائی کا بھاری بم گرادیا ہے۔ فی لیٹر پیٹرول کی قیمت میں ایک ساتھ 35 روپے کا اضافہ کردیا گیا۔
وزیر خزانہ اسحاق ڈار نے اسلام آباد میں پریس کانفرنس کرتے ہوئے کہا کہ پیٹرول اور ڈیزل کی قیمت میں 35،35 روپے کا اضافہ کیا جارہا ہے جبکہ مٹی کے تیل اور لائٹ ڈیزل کی قیمت میں 18، 18 روپے کا اضافہ کیا گیا ہے۔
دیگر مصنوعات کی قیمت
واضح رہے کہ 35 روپے اضافے کے بعد فی لیٹر پیٹرول کی نئی قیمت 249 روپے 80 پیسے جبکہ ڈیزل کی قیمت 262 روپے 80 پیسے ہوگئی ہے۔
نئی قیمتوں کا اطلاق
18 روپے کے اضافے کے بعد مٹی کے تیل 189 روپے 83 پیسے جبکہ لائٹ ڈیزل 187 روپے کا ملے گا۔ وزیر خزانہ کے مطابق نئی قیمتوں کا اطلاق آج صبح 11 بجے سے ہوگا۔