معروف بھارتی فنکارہ راکھی ساونت کی والدہ کو انتقال کے بعد جلانے کے بجائے دفنانے کی وجہ سے میڈیا میں ان کے مذہب کے حوالے سے نئی بحث شروع ہوگئی۔
حال ہی میں اسلام قبول کرکے عادل خان درانی نامی شخص سے شادی کرکے فاطمہ نام رکھنے والی راکھی ساونت کی والدہ کینسر اور برین ٹیومر کا شکار تھیں اور گزشتہ ہفتے دوران علاج انتقال کرگئی تھیں۔
عادل درانی کی طرف سے شادی کے حوالےسے تنازعات کے دوران بھی راکھی ساونت اپنی بیمار ماں کی تیمار داری میں مصروف تھیں۔
اداکارہ اپنی والدہ سے کافی قریب تھیں اور اپنا زیادہ تر وقت وہ اسپتال میں والدہ کے ساتھ گزارتی تھیں تاہم والدہ کے انتقال اور آخری رسومات کے دوران عادل درانی ان کے ساتھ نظر آئے۔
راکھی کی والدہ کو جلانے کے بجائے دفنانے کا جہاں تک سوال ہے تو جیا بھیڑا کا تعلق ہندو خاندان سے تھا لیکن دو شادیاں کرنے والی جیا بھیڑا نے دوسری شادی کے بعد ہندو مذہب ترک کرکے مسیحی مذہب اختیار کرلیا تھا، اسی لئے انہیں ہندو رسوم کے مطابق جلانے کے بجائے مسیحی رواج کے مطابق قبر میں دفنایا گیا۔