معروف انٹرنیٹ سیلیبریٹی اور یوٹیوبر شام ادریس اور فروگی کے درمیان علیحدگی کی خبر سامنے آئی ہے جس کی تفصیلات شام نے اپنی انسٹا پوسٹ کے ذریعے دی۔
شام ادریس نے اچانک اپنے انسٹاگرام پر فروگی سے علیحدگی کا اعلان کرنے کے بعد اپنے مداحوں کو صدمے میں چھوڑ دیا۔ شادی کے 4 سال بعد اہلیہ سحر سے علیحدگی کی خبر شیئر شام نے انسٹا پر شئیر کی ہے۔
انہوں نے انسٹاگرام پوسٹ میں لکھاکہ میں اعلان کرنا چاہوں گا کہ میں اور فروگی اپنے رشتے میں ایک دوسرے سے کچھ وقت کے لیے دور ہو رہے ہیں۔
انہوں نے لکھا کہ براہ کرم مجھے، فروگی، رابیل یا خاندان کے کسی دوسرے فرد سے متعلق مسائل میں شامل نہ کریں۔ میں اس مشکل وقت میں تنہا رہنا پسند کروں گا۔
شام ادریس کینیڈا میں مقیم معروف یوٹیوبر ہیں جس کے انسٹاگرام پر 1.4 ملین فالوورز ہیں، اپنے تفریحی مواد کے لیے بڑے پیمانے پر جانا جاتا ہے۔ ان کے ہمراہ ویلاگز میں اکثر ان کی اہلیہ سحر بھی دکھائی دیتی تھیں۔
جوڑے نے چند سال قبل شادی کی تھی اور وہ دو سال کی بچی سیرا کے والدین ہیں۔ دونوں نے 28 ستمبر 2022 کو ایک اور بیٹی کا استقبال کیا۔ انہوں نے اس کا نام شانایا ادریس رکھا۔