آئی ایم ایف کی ساتھ قرض پروگرام کامیابی سے مکمل کریں گے، اسحاق ڈار

ہم نیوز  |  Jan 31, 2023

وزیرخزانہ اسحاق ڈارنےکہاہے کہ ماضی میں بھی  آئی ایم ایف کا پروگرام  کامیابی سے مکمل کیاتھا۔ موجودہ قرض پروگرام  بھی مکمل کریں گے۔

وزیرخزانہ اسحاق ڈار سے  آئی ایم ایف وفد کی ملاقات   کااعلامیہ جاری کردیا گیا۔ وزیرخزانہ اسحاق ڈار نے آئی ایم ایف وفد کاخیرمقدم کیا اور آئی ایم ایف وفد کو معاشی صورتحال پر بریفنگ دی۔آئی ایم ایف نے نویں اقتصادی  جائزے کی تکمیل  کے لیے مل کر کام کرنے کا عزم کیا۔

آئی ایم ایف وفد کی سربراہی  مشن چیف نیتھن پورٹر   نے کی۔ مشن چیف نیتھن پورٹر نےکہا ہے کہ امیدہے پاکستان نویں جائزے کی تکمیل  کے لیے شرائط  پر پورا اترے گا۔اور مختلف شعبوں میں اصلاحات کے لیے پیش رفت جاری رکھے گا۔

آئی ایم ایف چیف کا کہنا تھا کہ توقع ہے پروگرام مقررہ وقت میں موثر طور پر مکمل ہوگا۔مالی اصلاحات کے لیے پاکستان کے ساتھ مل کر کام کریں گے۔

اسحاق ڈارنےکہاکہ توانائی کے شعبے میں اصلاحات متعارف کرائی  جارہی ہیں۔ ماضی میں بھی  آئی ایم ایف کا پروگرام  کامیابی سے مکمل کیاتھا،موجودہ قرض پروگرام  بھی مکمل کریں گے۔

ان کا کہنا ہے کہ گیس سیکٹر کے گردشی قرضے ختم کے لیے اعلی ٰسطح کی کمیٹی بنائی ہے۔توانائی شعبے میں اصلاحات متعارف کرائی جارہی ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More