چینی سائنسدانوں نے کلوننگ کی مدد سے ایسی گائے پر نشونما کی ہے جو سالانہ 18 ٹن دودھ دے سکتی ہے۔
غیر ملکی خبر رساں ادارے کی رپورٹ کے مطابق چین کی نارتھ ویسٹرن یونیورسٹی آف ایگریکلچر اینڈ فاریسٹری کے سائنسدانوں نے سومیٹک سیل نیوکلیئر ٹرانسفر کے ذریعے تین بچھڑوں کی کلوننگ کی جو زیادہ دودھ دینے والی ایک گائے سے حاصل کئے گئے تھے۔
ریسرچ ٹیم لیڈر کا کہنا ہے کہ چین میں مویشیوں کی بحالی کیلئے یہ تجربہ بہت اہمیت کا حامل ہے۔ دو سے تین سال کے عرصے میں ایک ہزار سے زیادہ سپر گائے پیدا کرنے کا ارادہ رکھتے ہیں۔
ان کا کہنا تھا کہ یہ گائے بیرون ملک سے جانوروں کی سپلائی پر چین کے انحصار کو حل کرنے کیلئے ایک مضبوط بنیاد ثابت ہوں گی۔