اسلام مخالف مظاہرے پر پابندی عائد

ہم نیوز  |  Feb 03, 2023

اوسلو: ناروے نے اوسلو میں اسلام مخالف مظاہرے پر پابندی عائد کر دی۔

غیر ملکی خبر رساں ایجنسی کے مطابق ناروے میں اسلام مخالف مظاہرے کا اعلان کیا گیا تو ترکیہ نے ناروے کے سفیر کو طلب کر کے اپنا احتجاج ریکارڈ کرایا جس کے چند گھنٹے بعد ہی نارے کی پولیس نے اسلام مخالف مظاہرے پر پابندی عائد کر دی۔

ناروے میں ایک گروپ کی جانب سے اعلان کردہ اسلام مخالف مظاہرے میں شرپسند عناصر نے قرآن پاک کو نذر آتش کرنے کا بھی اعلان کیا تھا۔

پولیس کے مطابق ایک گروپ کی جانب سے جمعہ کو اوسلو میں ترکیہ کے سفارتخانے کے باہر اسلام مخالف احتجاج کا اعلان کیا گیا تھا جس میں قرآن پاک کی بےحرمتی کا منصوبہ تھا تاہم اب اس احتجاج پر پابندی عائد کر دی گئی ہے۔

یہ بھی پڑھیں: 

ناروے پولیس کے مطابق ناروے میں اظہار رائے کی آزادی حاصل ہے تاہم سیکیورٹی خدشات کے باعث اس احتجاج کو نہ کرنے کا حکم دیا گیا ہے۔

واضح رہے کہ ناروے میں پولیس کسی بھی مظاہرے پر صرف اس وقت پابندی لگا سکتی ہے جب اس کی وجہ سے نقص امن کا خطرہ لاحق ہو۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More