قرآن مجید میں اللہ تعالیٰ نے اپنے حق کے بعد سب سے پہلے ماں باپ کا حق بیان کیا ہے پھر دوسروں کے حقوق کا تذکرہ کیا ہے ۔اور بار بار ان سے اچھا سلوک کرنے کی تلقین کی ہے اور اکثر دیکھا گیا ہے کہ اولاد اپنی ماں سے بے پناہ محبت رکھتی ہے لیکن کئی بار ایسا بھی دیکھنے میں آتا ہے جب لوگ اپنی جنت کو اپنے گھروں اور زندگیوں سے باہر نکال دیتے ہیں۔
جہاں تک ماں کا تعلق ہے تو ماں راتوں کو جاگ کر اپنا آرام اپنے بچوں پر قربان کرتی ہے ، اگر اللہ تعالی نے والدین کے دل میں اولاد کیلئے بے پناہ محبت اور ایثار کا جذبہ نہ رکھا ہوتا تو یقیناً بچہ کی صحیح معنون میں پرورش و تربیت نہ ہو پاتی۔
اب اگر یہی بچہ بڑا ہو کر اپنے والدین کو بڑھاپے کی حالت میں بے یار ومدد گار چھوڑ دے،اُن کیساتھ حُسن سلوک سے نہ پیش آئے، انکی گستاخی و بے ادبی کرے تو اس سے زیادہ بے انصافی اور ظلم کیا ہو سکتا ہے۔
اس ویڈیو میں دیکھا جاسکتا ہے کہ لاہور میں ایک ضعیف العمر خاتون کو بچوں نے گھر سے نکال دیا اور کئی سال سے بے یار و مدد گار خاتون انتہائی بری حالت میں زندگی گزارنے پر مجبور ہے۔
سوشل میڈیا پر وائرل ویڈیو دیکھنے کے بعد صارفین نے شدید رنج و غم کا اظہار کرتے ہوئے حکومت سے بزرگ خاتون کی دیکھ بھال کرنے کی اپیل کی ہے۔