فیس بک نے اہم سنگ میل عبور کر لیا

ہم نیوز  |  Feb 04, 2023

واشنگٹن: فیس بک نے ایک اور اہم سنگ میل عبور کر لیا۔

دنیا کے مقبول ترین سوشل میڈیا نیٹ ورک فیس بک کو روزانہ کی بنیاد پر استعمال کرنے والے افراد کی تعداد 2 ارب تک پہنچ گئی۔ میٹا رپورٹ کے مطابق اکتوبر سے دسمبر 2022 کے دوران فیس بک صارفین کی تعداد میں ایک کروڑ 60 لاکھ افراد کا اضافہ ہوا تھا۔ جس کے بعد اب روزانہ صارفین کی تعداد 2 ارب سے تجاوز کر گئی۔

19 سال سے استعمال ہونے والا فیس بک اب اس نہج پر پہنچ گیا ہے کہ اسے روزانہ کی بنیاد پر 2 ارب سے زائد لوگ استعمال کر رہے ہیں تاہم میٹا کی رپورٹ کے مطابق اکتوبر سے دسمبر 2022 کے دوران آمدنی میں 2021 کی آخری سہ ماہی کے مقابلے میں 4 فیصد کمی آئی  ہے۔

یہ بھی پڑھیں: 

میٹا کے سی ای او مارک زکر برگ کا کہنا ہے کہ کمپنی سے مزید ملازمین کو بھی نکالا جاسکتا ہے کیونکہ کمپنی کی جانب سے افادیت کو ترجیح دی جا رہی ہے۔

فیس بک میٹا کی زیرملکیت پہلی سروس نہیں ہے جس کے روزانہ صارفین کی تعداد 2 ارب تک پہنچی ہے بلکہ اس سے قبل واٹس ایپ نے بھی یہ ریکارڈ بنایا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More