دیامر: مسافر بس اور کار کے درمیان ہونے والے تصادم کے باعث 20 افراد جاں بحق اور 10 زخمی ہو گئے ہیں۔
حادثے باعث دیا مر کے علاقے شتیال میں پیش آیا جہاں مسافر بس اور کار تصادم کے بعد قریب ہی واقع کھائی میں جا گریں۔
علاقہ پولیس کے مطابق حادثے کا شکار ہونے والی مسافر بس گلگت سے راولپنڈی جا رہی تھی جب کار کی منزل گلگت تھی۔
حادثے کی اطلاع ملتے ہی علاقہ پولیس اور امدادی اداروں کے رضاکاروں سمیت علاقہ مکینوں کی بھی بہت بڑی تعداد جائے وقوع پر پہنچ گئی اور انہوں نے زخمیوں کو آر ایچ سی اسپتال منتقلی میں مدد فراہم کی۔
ریسکیو ذرائع کے مطابق حادثے کے مقام پر امدادی کارروائیاں جاری ہیں لیکن اندھیرا اور کھائی ہونے کی وجہ سے امدادی سرگرمیوں میں مشکلات کا سامنا ہے۔