لاہور ہائیکورٹ نے پی ٹی آئی کے 43 اراکین کے استعفے منظور کرنے کا اسپیکر کا حکم معطل کردیا ہے۔
لاہور ہائیکورٹ کے جسٹس شاہد کریم نے پی ٹی آئی ایم این ایز کی درخواستوں کی سماعت کی، جس کے بعد عدالت نے الیکشن کمیشن سمیت دیگر فریقین کو نوٹسز جاری کردیے ہیں۔
ریاض فتیانہ سمیت سابق 43 ارکان قومی اسمبلی کی طرف سے بیرسٹر علی ظفر پیش ہوئے، ارکان اسمبلی کے استعفے منظور کرنے کے بارے سپیکر کے 22 اور الیکشن کمیشن کے 25 جنوری کے نوٹیفکیشن چیلنج کیا گیا تھا
وکیل درخواست گزاران کی جانب سے درخواست کی گئی تھی کہ 43 اراکین نے 23 جنوری کو سپیکر کو استعفے واپس لینے کی چٹھی لکھی تھی، لیکن اسپیکر نے بل استعفے منظور کرنے سے پہلے آئین کے تحت انکوائری نہیں کی۔ کبھی اسپیکر کے پاس پیش نہیں ہوئے،اراکین کو سنے بغیر اسپیکر استعفے منظور نہیں کر سکتے۔
درخواست میں عدالت سے استدعا کی گئی تھی کہ عدالت اسپیکر اور الیکشن کمیشن کے نوٹیفکیشن کو کالعدم قرار دے۔