شیخ رشید ایک دن کے راہداری ریمانڈ پر مری پولیس کے حوالے

ہم نیوز  |  Feb 08, 2023

اسلام آباد کی مقامی عدالت نےشیخ رشید کو ایک دن کے راہداری ریمانڈ پر مری پولیس کے حوالے کر دیا۔

شیخ رشید کو اسلام آباد میں ڈیوٹی  مجسٹریٹ رفعت محمود خان کی عدالت میں پیش کیا گیا۔ شیخ رشید کے وکیل نے کہا شیخ رشید  حراست میں ہیں، مری پولیس کی جانب سے راہداری ریمانڈ کی استدعا پہلے مسترد ہوچکی۔ شیخ رشید کہیں بھاگے نہیں جارہے، حراست میں ہیں۔

عدالت نے مری پولیس سے ​​​​​​​پوچھا کیا آپ  پہلی بار راہداری ریمانڈ کی استدعا کر رہے ہیں؟ تفتیشی افسر کی طرف سے عدالت کہا بتایا گیا کہ پہلی بار راہداری ریمانڈ کی استدعا کی ۔اس سے پہلے نہیں کی۔

تفتیشی افسر کا کہنا تھا کہ  راہداری ریمانڈ کی استدعا پہلے طریقہ کار مکمل نہ ہونے پر مسترد ہوئی تھی، کوئی فیصلہ جاری نہیں ہوا۔ زبانی کلامی بات ہوئی تھی۔

شیخ رشید نے کہا  تھانہ مری میں درج مقدمے میں  میری پیشی ہو چکی ہے،  تھانہ مری میں درج مقدمے میں مجھ سے تفتیش بھی کر چکی ہے۔

عدالت نے  پولیس کی جانب سے راہداری ریمانڈ  کی درخواست پر فیصلہ سناتے ہوئے شیخ رشید کو ایک دن کے راہداری ریمانڈ پر پولیس  کے حوالے کردیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More