اسلام آباد: چیف سیکریٹری پنجاب زاہد اختر زمان نے کہا ہے کہ انتخابات کے دوران سیکیورٹی کے لیے 42 ارب روپے درکار ہوں گے۔
چیف سیکریٹری پنجاب نے یہ بات چیف الیکشن کمشنر سکندر سلطان راجہ کی زیرصدارت منعقدہ اعلیٰ سطحی اجلاس کو بتائی۔
انہوں نے کہا کہ اس وقت صوبے میں انتظامی افسران مردم شماری ، گندم خریداری، انسداد پولیو مہم اور ماہ رمضان کی وجہ سے مصروف ہیں۔
چیف سیکریٹری پنجاب نے تجویز پیش کی کہ الیکشن کمیشن ترجیحی بنیادوں پر قومی اور صوبائی اسمبلیوں کے انتخابات ایک ہی دن میں کرائے۔
قومی اسمبلی کی 31 نشستوں پر ضمنی الیکشن کا شیڈول جاری
چیف الیکشن کمشنر کی زیر صدارت منعقدہ اجلاس کو چیف سیکریٹری پنجاب زاہد اختر زمان نے واضح طور پر بتایا کہ بصورت دیگر قومی اور صوبائی اسمبلیوں کے انتخابات ایک ہی دن نہ کرائے گئے تو ہونے والے اخراجات دگنے ہو جائیں گے۔