واٹس ایپ نے صارفین کی بڑی مشکل حل کر دی

ہم نیوز  |  Feb 11, 2023

میٹا کی زیر ملکیت پیغام رسانی کی معروف ایپ واٹس ایپ نے تصاویر، ویڈیوز اور آڈیو پیغامات سے متعلق صارفین کی بڑی مشکل آسان کر دی۔

غیر ملکی خبر رساں ادارے کی رپورٹ کے مطابق واٹس ایپ نے اپنی نئی اپڈیٹ میں ایک وقت میں سو تصاویر بھیجنے کی سہولت فراہم کر دی ہے۔

اس سے قبل صارفین صرف ایک وقت میں 30 تصاویر بھیج سکتے تھے تاہم اب یہ مسئلہ حل ہو گیا ہے۔

واٹس ایپ نے ٹیسٹ فلائٹ بیٹا پروگرام کے ذریعے ایک نئی اپ ڈیٹ جاری کی ہے۔ یہ نیا فیچر کچھ بیٹا ٹیسٹرز کے لیے جاری کیا جا رہا ہے، تاہم واٹس ایپ اسے بعد میں مزید صارفین کے لیے جاری کرنے کا ارادہ رکھتا ہے۔

اس کے علاوہ واٹس ایپ کال شیڈولنگ کا آپشن بھی جلد متعارف کرانے جا رہا ہے۔

شیڈول کال کے لیے کال بٹن کو دباکررکھاجائے تو کئی آپشن نمودار ہوں گے جن میں وقت، تاریخ اور عنوان سامنے ظاہر ہوں گے جن کی تفصیلات شامل کرکے آپ تمام گروپ ممبران کو اس کی اطلاع دے سکتےہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More