مہنگا سونا آج پھر مہنگا

ہم نیوز  |  Mar 31, 2023

ملک میں آج پھر سونے کی قیمت میں اضافہ ریکارڈ کیا گیا ہے۔

سندھ صرافہ بازار ایسوسی ایشن کے مطابق سونے کی فی تولہ قیمت آج 700 روپے بڑھی ہے، جس کے بعد نئی قیمت 2 لاکھ 8 ہزار 700 روپے ہے۔

ایسوسی ایشن کے مطابق 10 گرام سونے کا بھاؤ 601 روپے اضافے سے 1 لاکھ 78 ہزار 927 روپے ہے۔

پاکستان اسٹاک ایکسچینج (پی ایس ایکس) میں مارچ کے آخری کاروباری روز رجحان مثبت رہا۔

100 انڈیکس 152 پوائنٹس اضافے سے 40 ہزار پر بند ہوا ہے۔

مارچ کے آخری کاروباری روز 11 کروڑ شیئرز کے سودے 3 ارب 93 کروڑ روپے میں طے ہوئے اور مارکیٹ کیپٹلائزیشن 14 ارب روپے بڑھ کر 6 ہزار 108 ارب روپے رہی۔

البتہ مارچ کے پورے مہینے میں 100 انڈیکس 509 پوائنٹس گرا ہے، پورے مہینے انڈیکس 2 ہزار 561 پوائنٹس کے بینڈ میں رہا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More