مشہور ویب براؤزر گوگل کروم نے صارفین کے لیے ایک اہم فیچر پر کام شروع کیا ہے۔ کروم اب ایک ایسی تبدیلی کرنے جا رہا ہے جو اس ویب براؤزر کے استعمال کے تجربے کو تبدیل کردے گا۔
رات کے وقت تیز سفید رنگ کی ویب سائٹ کو دیکھنے سے آنکھیں کمزور ہونے کا خدشہ بڑھ جاتا ہے اسی لیے گوگل کروم میں ایک تجرباتی ڈارک موڈ سپورٹ فیچر کی آزمائش کی جا رہی ہے۔
اب گوگل کی جانب سے ہر ویب سائٹ کو ڈارک تھیم استعمال کرنے پر مجبور کر دیا جائے گا۔
ابھی اس مقصد کے لیے کسی براؤزر ایکسٹینشن کو استعمال کیا جاتا ہے مگر آٹو ڈارک موڈ فار ویب فیچر کے بعد ان ایکسٹینشنز کی ضرورت نہیں رہے گی۔
خیال رہے کہ ڈارک موڈ ایسا آپشن ہے جو کسی آپریٹنگ سسٹم یا ایپ کی کلر اسکیم کو بلیک یا گہری رنگت سے بدل دیتا ہے۔