آئندہ چوبیس گھنٹوں کے دوران ملک کے بیشتر علاقوں میں موسم گرم اور خشک رہے گا، محکمہ موسمیات

اسلام آباد۔5مئی (اے پی پی):آئندہ چوبیس گھنٹوں کے دوران ملک کے بیشتر علاقوں میں موسم گرم اور خشک رہے گا تاہم بالائی خیبر پختونخوا، کشمیر اور گلگت بلتستان میں مطلع جزوی ابر آلود رہنے کے علاوہ چند مقامات پر گرج چمک کے ساتھ بارش ہو سکتی ہے۔ اس دوران ملک کے میدانی علاقوں میں گرد آلود ہوائیں /جھکڑ چلنے کا بھی امکان ہے۔

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم خشک اور گرم رہا جبکہ بالائی خیبر پختونخوا میں چند مقامات پر بارش ہوئی۔سب سے زیادہ دیر میں 2، دروش، میر کھانی اور چترال میں ایک ملی میٹر بارش ریکارڈ کی گئی۔ اتوار کو ریکارڈ کئے گئے زیادہ سے زیادہ درجہ حرارت کی رپورٹ کے مطابق شہید بینظیر آباد، موہنجوداڑو، جیکب آباد میں درجہ حرارت 43، خیرپور، چھور، دادو، سکھر، پڈعیدن اور روہڑی میں 42 ڈگری سینٹی گریڈ ریکارڈ کیا گیا ہے۔