چیئرمین سینٹ یوسف رضا گیلانی نے کہا ہے کہ جے یو آئی کے سربراہ مولانا فضل الرحمان حکومتی اتحاد کے لیے فیملی ممبر جیسے ہیں ، وہ پی ٹی آئی کے ساتھ اجنبی نظر آئیں گے۔
میڈیا سے گفتگو کرتے ہوئے یوسف رضا گیلانی نے کہا کہ مولانا صاحب جب یہاں آتے ہیں، فیملی ممبر لگتے ہیں، مولانا فضل الرحمان کو ملتان کا سمجھتا ہوں وہ ہمارے دوست ہیں۔
اڈیالہ جیل والے سے رابطہ نہیں ، پیشرفت ہو گی تو بتائیں گے ، مولانا فضل الرحمن
انہوں نے مزید کہا کہ پیپلز پارٹی کے ن لیگ سے تحفظات صرف یہ ہیں کہ تحریری معاہدے پر عمل کیا جائے اور بلاول بھٹو بھی حکومت سازی کے وقت کیے گئے تحریری معاہدے پر عمل درآمد چاہتے ہیں۔
یوسف گیلانی نے کہا کہ بجٹ میں مہنگائی سے متعلق عوام کو ریلیف دینا چاہتے ہیں، کوشش ہے بجٹ میں ضرورت مندوں کو ریلیف دیا جائے۔