انڈیا کے زیرانتظام کشمیر میں جھڑپیں، 2 فوجیوں سمیت 6 مشتبہ عسکریت پسند ہلاک

پولیس حکام کے مطابق انڈیا کے زیرِانتظام کشمیر میں دو مختلف جھڑپوں کے دوران دو فوجی اور چھ مشتبہ عسکریت پسند ہلاک ہوئے۔

کشمیر پولیس کے انسپکٹر جنرل ودھی کمار بردی نے خبر رساں ایجنسی اے ایف پی کو بتایا کہ حکام نے متنازع علاقے کے ضلع کولگام میں ’دو مختلف کارروائیاں‘ کیں۔

انہوں نے مزید کہا کہ جھڑپوں کے دوران سکیورٹی فورسز کے دو اہلکار مارے گئے ہیں اور  مودرگرام اور فریسل چنی گام میں جھڑپیں جاری ہیں۔

حالیہ برسوں کے دوران کشمیر میں عسکریت پسندوں کے حملوں میں اضافہ رپورٹ ہوا ہے۔

انڈیا اور پاکستان کے دونوں مسلم اکثریتی کشمیر کے دعویدار ہیں اور ہمالیائی خطے پر کنٹرول کے لیے تین جنگیں بھی لڑ چکے ہیں۔

1989 سے باغی تنظیموں کی جانب سے کشمیر میں مسلح شورش ہے جو اس علاقے کی آزادی یا پاکستان کے ساتھ انضمام کا مطالبہ کر رہے ہیں۔

اس تنازعے میں ہزاروں شہری، فوجی اور باغی ہلاک ہو چکے ہیں۔

جون کے مہینے میں 9 ہندو زائرین اس وقت ہلاک اور متعدد زخمی ہوئے جب ایک مسلح شخص نے جنوبی ریاسی کے علاقے میں ایک مزار سے انہیں لے جانے والی بس پر فائرنگ کی۔

یہ حالیہ برسوں میں سب سے مہلک حملوں میں سے ایک تھا اور 2017 کے بعد کشمیر میں ہندو زائرین پر پہلا حملہ تھا۔