عمان کے فاسٹ بولر بلال خان نے ون ڈے کرکٹ میں شاہین آفریدی کا عالمی ریکارڈ توڑ دیا۔
عمان کے فاسٹ بولر بلال خان نے قومی ٹیم کے فاسٹ بولر شاہین شاہ آفریدی کا ون ڈے کرکٹ میں تیز ترین 100 وکٹیں حاصل کرنے کا ریکارڈ توڑا ہے۔
بلال خان نے یہ اعزاز اومان اور نمیبیا کے درمیان آئی سی سی مینز کرکٹ ورلڈ کپ لیگ ٹو کے میچ میں حاصل کیا۔
فاسٹ بولر نے نمیبیا کیخلاف 10 اوورز میں 50 رنز دے کر تین وکٹیں حاصل کیں جس کے بعد ان کی 49 ون ڈے میچوں میں 101 وکٹیں ہوگئی ہیں۔
واضح رہے کہ شاہین آفریدی نے 2023 کے ورلڈ کپ میں بنگلہ دیش کے خلاف اپنے 51ویں ون ڈے میچ میں 100 وکٹیں مکمل کی تھیں۔
یاد رہے کہ ون ڈے کرکٹ میں تیز ترین 100 وکٹیں حاصل کرنے کا ریکارڈ نیپال کے اسپر سندیپ لمیچانے کے پاس ہے انہوں نے 42 میچوں میں یہ اعزاز حاصل کیا تھا۔