یہاں بہترین پراجیکٹس چھوڑ کر وہاں ۔۔ مشی خان، فواد خان پر برس پڑیں! کیا کچھ کہہ ڈالا؟

مشی خان نے پاکستانی سپر اسٹار فواد خان کو بھارت میں کام کرنے پر کھری کھوٹی سنا دی۔

مشی خان نے اپنے انسٹا گرام اکاؤنٹ پر ایک انسٹا اسٹوری شیئر کرتے ہوئے اداکار کو کڑی تنقید کا نشانہ بنایا۔

انہوں نے فواد خان اور بھارتی اداکارہ وانی کپور کی آنے والی فلم "عبیر گلال" کا پوسٹر ری شیئر کرتے ہوئے طنزیہ انداز میں لکھا کہ،

"بڑے افسوس کی بات ہے کہ فواد خان اپنے ملک میں ٹاپ اداکاراؤں کے ساتھ بڑے پراجیکٹس میں کام کرنے سے انکار کر دیتے ہیں اور اب بھارت کی ایک ایسی اداکارہ کے ساتھ کام کر رہے ہیں جس کا نام تک نہیں جانتی میں"۔

حال ہی میں یہ خبر سوشل میڈیا پر گردش کر رہی تھی کہ فواد خان 8 برس بعد بالی ووڈ میں واپس جارہے ہیں جہاں انہوں نے وانی کپور کے ساتھ اپنی نئی فلم کی شوٹنگ کا آغاز کر دیا ہے۔