مستونگ میں گرلز ہائی اسکول سول اسپتال چوک پر بم دھماکے کے نتیجے میں 4 افراد جاں بحق اور 15 افراد زخمی ہو گئے ۔
پولیس کے مطابق زخمیوں میں زیادہ تر اسکول کے بچے شامل ہیں ، زخمیوں کو ڈی ایچ کیو اسپتال منتقل کر دیا گیا۔
کوئٹہ میں پولیس موبائل کے قریب دھماکا ، 2 اہلکاروں سمیت 12 افراد زخمی
دھماکے میں پولیس کی گاڑی تباہ ہو گئی جبکہ چوک پر موجود دیگر گاڑیوں اور رکشوں کو بھی نقصال پہنچا ، دھماکے کی آواز قریبی علاقوں میں بھی سنی گئی، پولیس اور ریسکیو کا عملہ جائے وقوعہ پر پہنچ گیا ہے۔
پولیس کا کہنا ہے کہ دھماکے میں پولیس موبائل کو نشانہ بنایا گیا تاہم اسکول کی وین بھی زد میں آ گئی جس کے نتیجے میں اسکول کے 3 بچے اور ایک پولیس اہلکار جاں بحق ہو گیا۔
جنوبی وزیرستان میں بم دھماکا ، قبائلی رہنما کا بیٹا جاں بحق ، 3 زخمی
حکومت بلوچستان نے مستونگ میں اسکول کے قریب بم دھماکے کی مذمت کرتے ہوئے محکمہ داخلہ سے واقعہ سے متعلق رپورٹ طلب کر لی ہے۔