سعودی عرب میں موبائل چارجر پھٹنے سے گھر میں آتشزدگی کے نتیجے میں 7 بچے جاں بحق ہو گئے۔
عرب میڈیا کے مطابق سعودی عرب کے مشرقی علاقے الاحسا کے ایک گھر کے ڈرائنگ روم میں لگنے والی خوفناک آگ نے پورے گھر کو اپنی لپیٹ میں لے لیا۔
آگ کے دھوئیں سے جاگ جانے والے بیٹے نے اپنے والدین کو بمشکل بحفاظت نکالا اور پھر دیگر بہن بھائیوں کی مدد کے لیے اندر گیا تاہم وہ بھی جھلس کر جاں بحق ہو گیا۔
سعودی ائیر لائن کے طیارے کے لینڈنگ گئیر میں آتشزدگی ، عملے اور مسافروں کو بحفاظت نکال لیا گیا
تمام بچوں کے آگ میں جل کر مر جانے سے والدین ذہنی توازن کھو بیٹھے ، آگ لگنے سے پورا گھر جل کر خاکستر ہو گیا۔ زیادہ تر ہلاکتیں دم گھٹنے کے باعث ہوئیں۔
پولیس کے مطابق موبائل فون چارجنگ پر لگا تھا جو کسی وجہ سے پگھل گیا جس کے بعد شارٹ سرکٹ سے آگ لگی۔