مسلم لیگ ن کے سابق سیکریٹری اطلاعات صدیق الفاروق چل بسے

مسلم لیگ ن کے رہنما اور سابق سیکریٹری اطلاعات صدیق الفاروق طویل علالت کے بعد چل بسے۔

اتوار کو مسلم لیگ ن کی طرف سے جاری بیان کے مطابق صدیق الفاروق وزیراعظم کے سابق پریس سیکریٹری رہے۔

اس کے علاوہ وہ ہاؤس بلڈنگ فنانس کارپوریشن و متروکہ وقف املاک بورڈ کے سابق چیئرمین بھی رہ چکے ہیں۔

صدیق الفاروق گردوں کے عارضے میں مبتلا تھے۔

صدیق الفاروق طویل عرصے تک شعبہ صحافت سے وابستہ رہے۔ وہ سینیئر صحافی اظہر ملک کے بڑے بھائی تھے۔

ان کی نماز جنازہ (کل) پیر کو صبح 11 بجے ایچ الیون  اسلام آباد کے قبرستان میں ہو گی۔