کشتی حادثہ ، وزیر اعظم کی ہدایت پر تحقیقاتی ٹیم مراکش روانہ

وزیراعظم شہباز شریف کی ہدایت پر مراکش کے قریب کشتی حادثہ کی تحقیقات کے لئے ٹیم تفتیش کے لئے روانہ ہو گئی ہے۔

وفاقی تحقیقاتی ادارے کی 4 رکنی ٹیم گزشتہ رات مراکش روانہ ہوئی، ایڈیشنل سیکرٹری داخلہ سلمان چودھری تحقیقاتی ٹیم کی سربراہی کر رہے ہیں۔

ایف آئی اے پنجاب کے ایڈیشنل ڈائریکٹر نارتھ منیر مسعود مارتھ بھی ٹیم میں شامل ہیں، دفتر خارجہ اور آئی بی کا ایک ایک افسر بھی تحقیقاتی ٹیمکے ہمراہ ہے،تحقیقاتی ٹیم 3 سے 4 روز مراکش میں قیام کرے گی۔

پاکستان ڈیجیٹل فارن ڈائریکٹ انویسٹمنٹ اپنانے والا پہلا ملک ہے، وزیراعظم

وہ کشتی حادثے میں بچ جانے والے پاکستانیوں سے ملاقات بھی کرے گی، اس کے علاوہ پاکستانیوں پر تشدد اور قتل کی بھی تحقیقات کی جائے گی۔یاد رہے کہ اس حادثے میں 44 پاکستانیوں سمیت 50 تارکین وطن ہلاک ہو گئے تھے۔

تحقیقاتی ٹیم حادثے کے حقائق پر مبنی رپورٹ وزیراعظم کو پیش کرے گی، اس تحقیق کی روشنی میں انسانی اسمگلرز اور اس دھندے میں ملوث عناصر کے خلاف سخت کارروائیاں کی جائیں گی۔