لوزیانا: امریکی ریاست لوزیانا میں نیو اورلینز میں اتوار کی صبح تک جاری رہنے والے مقابلے میں امریکہ کی آر بونی گیبریل کے سر پہ مس یونیورس کا تاج سج گیا۔
حجاب میں بھی لڑکی کوٹارگٹ کر رہے ہو، اسے جینے دو، بھارتی مس یونیورس
امریکی مؤقر جریدوں لائف اسٹائل اور انسائیڈر کے مطابق وینزویلا کی امندا ڈوڈیمل فرسٹ رنر اپ اور مس ڈومینیکن ریپبلک اینڈرینا مارٹنیز فوونیر دوسری رنر کے طور پر منتخب ہوئیں۔
مس یونیورس کو پہنایا جانے والا تاج اس لحاظ سے منفرد اہمیت کا حامل تھا کہ اس سے قبل کسی بھی مس یونیورس کو منتخب ہونے کے بعد ایسا تاج نہیں پہنایا گیا ہے، تاج پر شاہی نیلم اور سفید ہیرے جڑے ہوئے تھے اور مالیت 5 ملین اور 750 ہزار ڈالرز تھی۔
سابق مس ورلڈ، 34 کروڑ کی شراب چوری کرنے پر گرفتار
معوض جیولری ہاؤس کی جانب سے تیار کردہ نایاب تاج 110 قیراط کے نیلے نیلم اور 48 قیراط کے سفید ہیروں سے مزین ہے جس میں 45.14 قیراط کا نیلا شاہی نیلم سب سے اوپر پوری آب و تاب سے جگمگ کر رہا تھا۔
امریکی فیشن ڈیزائنر اور ماڈل آر بونی گیبریل نے جو مقابلہ جیتا ہے اس میں 85 ممالک نے شرکت کی تھی۔
ٹیکساس میں پیدا ہونے والی نئی مس یونیورس 28 سال کی ہیں، ان کے والد فلپائن سے آنے والے تارک وطن ہیں جب کہ والدہ کا تعلق امریکی ریاست ٹیکساس سے ہے۔
جنوبی افریقہ کا اسرائیل میں مس یونیورس تقریب کا بائیکاٹ
یونیورسٹی آف نارتھ ٹیکساس سے گریجویٹ نئی مس یونیورس کے لیے فیشن ڈیزائنگ بہت اہم ہے جب کہ فارغ وقت میں وہ پینٹنگ، شاپنگ اور یوگا کرنا پسند کرتی ہیں۔
