میسی کی ٹیم نے سعودی عرب میں رونالڈو کی ٹیم کو شکست دے دی


میسی کی پی ایس جی نے سعودی عرب میں رونالڈو کی ٹیم کو پانچ چار سے شکست دے دی ہے۔

ریاض کے کنگ فہد اسٹیڈیم میں رونالڈو ، میسی ، نیمار اور امباپے ایک ہی گراؤنڈ پر نظر آئے، میچ میں پی ایس جی کے میسی اور مارکینس نے ابتدا میں ہی گول کردیئے۔ سعودی ٹیم کی جانب سے رونالڈو نے دو گول کرکے میچ برابر کردیا۔

بریک کے بعد سرگئی راموس نے گول کیا، تو سعودی ٹیم میں جنوبی کوریا کے جینگ یان سو نے گول کو پوسٹ میں پہنچا کر میچ تین تین سے برابر کردیا۔ امباپے نے پی ایس جی کی جانب سے چوتھا گول کیا۔ ہیوگو  نے برتری کو پانچ تین تک پہنچا دیا۔ رونالڈو کی سعودی ٹیم نے انجری ٹائم میں ایک گول کیا۔ یوں میچ پی ایس جی کی پانچ چار سے فتح پر ختم ہوا۔

لیکن میچ کی دلچسپ بات یہ ہے کہ رونالڈو اور میسی کے درمیان مقابلے میں جیت تو میسی کی ہوئی لیکن مین آف دی میچ رونالڈو کو دے دیا گیا، جبکہ میچ میں امیتابھ بچن کی شرکت نے سب کو بڑا سرپرائز بھی دیا، ۔

اس میچ میں دنیا کا سب سے مہنگا اسپورٹس ٹکٹ 60 کروڑ روپے میں نیلام ہوا تھا۔


متعلقہ خبریں