سابق بھارتی اداکارہ ثناء خان اور مفتی انس نے ایک انٹرویو میں اپنے ہاں ایک ننھے مہمان کی آمدکی خوشخبری سنا دی۔
اقراء ٹی وی کو دیے گئے اپنے انٹرویو میں ان کا کہنا تھا کہ وہ جلد ماں بننے والی ہیں۔
اسلام کی خاطر شوبز چھوڑنے والی اداکار ہ کا کہنا تھا کہ ماں بننے کا احساس بہت خوبصورت ہے اور وہ اس احساس سے جذباتی طور پر بھی جڑ ی ہوئی ہیں کیونکہ انہوں نے اپنی زندگی میں بہت اتار چڑھاؤ دیکھے ہیں۔
ان کا کہنا تھا کہ جون کے آخر میں ان کے ہاں بچے کی پیدائش متوقع ہے، وہ اسے اپنی بانہوں میں لینے کیلئے بے قرار ہیں۔
ان سے جب جڑواں بچوں کے بارے میں سوال کیاگیا تو انہوں نے اس کا انکار کیا۔
جب وہ بالی ووڈ میں کام کرتی تھی، اس دوران وہ حرم شریف گئیں وہاں ان کے دل سے اچانک دعا نکلی کہ اے اللہ جب میری اولاد ہو گی تو میں اسے عالم بناؤں گی۔
فروری میں ثناء خان نے اپنے خاوند مفتی انس کے ساتھ عمرہ کیا تھا اس وقت انہوں نے اس بارے میں اشارہ اور بہت خوشی کا اظہار کیا تھا، جسے بعد میں شیئر کرنے کا کہا تھا۔
