ورلڈ ٹیسٹ چیمپئن شپ، پاکستان کو کتنا انعام ملے گا ؟


دبئی: انٹرنیشنل کرکٹ کونسل (آئی سی سی) نے ورلڈ ٹیسٹ چیمپئن شپ کی انعامی رقم کا اعلان کر دیا۔

آئی سی سی کی جانب سے جاری کردہ اعلامیے میں کہا گیا ہے کہ ورلڈ ٹیسٹ چیمپئن شپ جیتنے والی ٹیم کو 16 لاکھ ڈالر دیئے جائیں گے جبکہ ہارنے والی ٹیم کو 8 لاکھ ڈالر ملیں گے۔

تیسری پوزیشن والی ٹیم جنوبی افریقہ کو ساڑھے 4 لاکھ ڈالر دیئے جائیں گے جبکہ چوتھے نمبر پر رہنے والی انگلینڈ ٹیم ساڑھے 3 لاکھ ڈالر کی حقدار ٹھہرے گی۔

پانچویں پوزیشن کے ساتھ سری لنکا کے حصے میں 2 لاکھ ڈالر آئیں گے اور چھٹے نمبر پر نیوزی لینڈ، ساتویں پر پاکستانی ٹیم کو ایک ایک لاکھ ڈالر یعنی (2 کروڑ 85 لاکھ روپے) انعامی رقم ملے گی۔

یہ بھی پڑھیں: امریکہ میں میجر لیگ کرکٹ کیلئے پاکستانی کرکٹرز سے رابطوں کا انکشاف

ویسٹ انڈیز اور بنگلہ دیش کو بھی ایک ایک لاکھ ڈالر دیئے جائیں گے۔ ورلڈ ٹیسٹ چیمپئن شپ کی مجموعی طور پر انعامی رقم 38 لاکھ ڈالر رکھی گئی ہے۔

چیمپئن شپ کا فائنل انگلینڈ میں بھارت اور آسٹریلیا کے درمیان 7 سے 12 جون تک کھیلا جائے گا۔


متعلقہ خبریں