بھارت میں اترپردیش اور بہار سمیت کئی ریاستوں میں بڑی تعداد میں چمگادڑوں کی موت کا سلسلہ جاری ہے۔
علاقائی حکام فوری کاروائی کرتے ہوئے مردہ ممالیہ جانوروں کی لاشوں کا سیمپل ٹیسٹ لے رہے ہیں تاکہ معاملے کی تہہ تک پہنچا جاسکے۔
حکام کے مطابق ایک علاقے میں 52 چمگادڑ ایک گھنٹے کے اندر مردہ ہوکر نیچے گر پڑے جس سے دیہاتیوں میں دہشت پھیل گئی ہے۔
مقامی لوگوں میں اس حوالے سے شدید تشویش پائی جارہی ہے ان کا خیال ہے کہ یہ کوئی خوفناک زمینی و آسمانی حادثے کی علامت ہے۔
کثیر تعداد میں چمگادڑوں کی موت کی اطلاعات گورکھپور، اترپردیش سے موصول ہورہی ہیں۔