کورونا وائرس جہاں سے شروع ہوا وہ چین کا شہر ووہان تھا، اس وائرس نے یہاں شدید تباہی مچائی۔
تاہم اب اس شہر سے حوصلہ افزاء خبر سامنے آئی جس سے یہاں کے رہنے والوں میں خوشی کی لہر دوڑ گئی۔
تفصیلات کے مطابق چند روز قبل یہ خدشہ ظاہر کیا گیا کہ ووہان میں کورونا وائرس کی دوسری لہر آئے گی جس کے بعد چینی حکام نے شہر میں موجود تمام افراد کا کورونا وائرس کا ٹیسٹ کرنے کا فیصلہ کیا۔
ووہان انتظامیہ نے صرف 19 دن میں ایک کروڑ شہریوں کے کورونا وائرس کے ٹیسٹ کیے جن میں ایک بھی شخص کا ٹیسٹ مثبت نہیں آیا یعنی ایک کروڑ شہریوں میں ایک بھی کورونا وائرس کا مریض سامنے نہیں آیا۔
حکام نے عوام کو یہ خوشخبری سنائی ہے کہ کورونا وائرس کا پہلا مرکز بننے والا یہ شہر اب اس وبا کے حوالے سے محفوظ ترین شہر ہے جہاں کورونا کے لوٹنے کا کوئی خطرہ نہیں ہے۔