ٹی 20 ورلڈکپ کا آغاز یو اے ای اور عمان کے شہروں میں ہوچکا ہے۔ جبکہ کرکٹ شائقین کو 24 اکتوبر کو ہونے والے پاکستان اور بھارت کے درمیان ہونے والے میچ کا انتظار ہے۔
میڈیا سے گفتگو کرتے ہوئے بھارتی ٹیم کے کپتان ویرات کوہلی کا کہنا تھا کہ 24 اکتوبر کو ہونے والے پاک بھارت میچ کو دیگر میچوں کی طرح سمجھتا ہوں۔
انہو نے کہا کہ میں اہم میچز کیلئے اپنے دوستوں کو مفٹ ٹکٹ دینے سے انکار کر دیتا ہوں۔
ان کا کہنا تھا کہ پاک بھارت میچ میں ماحول مختلف ہوتا ہے، مداحوں کے نکتہ نظر سے یہ یقیناً زبردست مقابلہ ہے، جہاں تک کھلاڑیوں کا نکتہ نظر ہے، تو ہم جس حد تک پروفیشنل رہ سکتے ہیں ہمیں رہنا ہوگا۔
خیال رہے کہ پاکستان اور بھارت کے درمیان میچ 24 اکتوبر کو کھیلا جائے گا۔
واضح رہے کہ یہ ٹورنامنٹ بھارت میں ہونا تھا، مگر کورونا وائرس کی وبا کے باعث اسے متحدہ عرب امارات میں منتقل کیا گیا۔