ہم سمجھتے ہیں کہ کرکٹ صرف کرکٹ ہی اچھا کھیل سکتے ہیں، مگر آج ہم آپ کو بتائیں گے کہ کچھ پاکستانی کرکٹر ایسے بھی ہیں جو اچھی کرکٹ کے ساتھ اچھی اداکاری بھی کرسکتے ہیں۔
کرکٹ ٹی 20 ورلڈ کپ کے گروپ میچز کا آغاز ہوچکا ہے، تاہم اس دوران پاکستان کرکٹ ٹیم کے سابق کپتان وسیم اکرم کی ایک مزاحیہ انداز میں ویڈیو سامنے آئی ہے، جہاں وہ مشہور پنجابی فلم "مولا جٹ" کا ڈائیلاگ بولتے ہوئے نظر آرہے ہیں۔
سوشل میڈیا سایٹ ٹوئٹر پر معروف اینکر فخر عالم نے وسیم اکرم کی ویڈیو شیئر کی ہے۔ جہاں وسیم اکرم انہیں پنجابی فلم "مولا جٹ" مشہور ڈائیلاگ کے ذریعے دھمکی دے رہے ہیں۔ وسیم اکرم نے فخر عالم سے پنجابی میں کہا "نواں آیا اے سوہنیا"۔
تاہم فخر عالم نے اس ویڈیو کو سوشل میڈیا سایٹ ٹوئٹر پر شیئر کرتے ہوئے، لکھا کہ عظیم کھلاڑی مجھے دھمکی دے رہے ہیں۔
اس کے علاوہ چند سال قبل پاکستانی کرکٹر شعیب ملک اور معروف اینکر شائستہ لودھی کے ساتھ مشہور بولی ووڈ فلم دل والے دلہنیا لے جائیں گے کا ڈائیلاگ بولتے نظر آئے تھے۔
جبکہ ویڈیو میں دیکھا جاسکتا ہے کہ شعیب ملک آئینے کے سامنے کھڑے ہوئے ہیں اور دونوں نے چشمیں لگائے ہوئے ہیں۔ جہاں شائستہ لودھی کہتی ہیں کہ میری آنکھوں کو کیا ہوا ہے؟ جس پر شعیب ملک جواب میں کہتے ہیں کہ مجھے تمہاری آنکھیں کسی کی یاد دلاتی ہیں، شائستہ کے پوچھنے پر کہ کس کی؟ اس پر شعیب ملک کہتے ہیں کہ میری دادی کی۔
ایک اور ویڈیو میں وسیم اکرم کو بولی ووڈ فلم "اگنی پاتھ" ڈائیلاگ بول رہے ہیں، جہاں امیتابھ بچن پولیس اسٹیشن میں اپنا نام اور اپنے والد کا نام بتاتے ہیں۔