نہ تو میٹھا بنے گا اور نہ ہی ۔۔ گوری خان نے آریان کے جیل سے گھر نہ آنے کی وجہ سے گھر پر کون کونسی پابندیاں لگا دیں؟

آج کل بالی ووڈ انڈسٹری کے سپر اسٹار شاہ رخ خان سمیت ان کی فیملی کا ہر فرد خبروں کی زینت بنا ہوا ہے۔ شاہ رخ خان کے بیٹے آریان خان منشیات کیس میں ملوث پائے جانے کے باعث اس وقت جیل کی سلاخوں کے پیچھے زندگی گزار رہے ہیں۔

آریان کی والدہ گوری خان بھی اپنے بیٹے کی یاد میں انتہائی غم کا شکار ہیں۔ اسی وجہ سے بالی ووڈ اداکار شاہ رخ خان کی بیوی گوری خان نے اپنے اسٹاف کو حکم دیا ہے کہ جب تک ان کا بیٹا آریان خان جیل سے رہا نہیں ہو جاتا تب تک گھر میں میٹھا نہیں پکے گا۔

انڈیا ٹوڈے کے مطابق آریان خان کو ایک کروز شپ سے 3 اکتوبر کو منشیات استعمال کرنے کے الزام میں گرفتار کیا گیا تھا، تاحال ان کی ضمانت نہیں ہوسکی ہے۔ وہ اس وقت جیل میں ہیں اور کل ان کی درخواستِ ضمانت کی سماعت ہوگی۔

بیٹے کی گرفتاری کے بعد سے شاہ رخ خان کی رہائش گاہ "منت" میں افسردگی کا ماحول ہے۔ عمومی طور پر عید اور دیوالی کے موقع پر کئی روز پہلے ہی منت کو سجا دیا جاتا ہے لیکن اس بار دیوالی قریب آنے کے باوجود منت کی ڈیکوریشن نہیں کی گئی۔

اس کے علاوہ نوراتری کے دوران گوری خان نے اپنے بیٹے کی رہائی کیلئے برت (ہندوؤں کا روزہ) بھی رکھا۔

انڈیا ٹوڈے ویب سائٹ کے مطابق گوری خان نے اپنے گھر کے سٹاف کو حکم دیا ہے کہ گھر میں اس وقت تک کوئی بھی میٹھی چیز نہیں پکے گی جب تک ان کا بیٹا آریان خان جیل سے باہر نہیں آجاتا۔