آج کل نوجوان اپنی خوبصورتی کو بڑھانے کے لیے کئی طریقے اپناتے ہیں، ایسے میں پیسے بھی خرچ کرتے دکھائی دیتے ہیں۔
لیکن ہماری ویب ڈاٹ کام کی اس خبر میں آپ کو بتائیں گے کہ بنا پیسے خرچ کیے نوجوان کیسے اپنے چہرے کی خوبصورتی کو بڑھا سکتے ہیں۔
فیشل ہئیر بیلنس کرنا:
اپنے چہرے کو پُر کشش بنانے کا ایک طریقہ یہ بھی ہے کہ اگر آپ کی بھنویں گھنی ہیں، تو اس کے لیے داڑھی کو بڑھائیں تاکہ آپ کے چہرے پر کشش کا توازن برقرار رہے۔
کیونکہ اگر گھنی بھنویں چہرے پر ہیں اور داڑھی اور مونچھ نہیں تو اس سے سامنے والے کا سارا دھیان آپ کی بھنوں پر جائے گا۔
قدرتی لائنز:
اکثر لوگ داڑھی بنواتے وقت مختلف قسم کی لائنز بنواتے ہیں، کوئی داڑھی یعنی خت بنواتے وقت باقاعدہ ہدایات کرتا ہے کہ خت سیدھی رکھنی ہے یا گولائی میں۔
لیکن یہ لائنز جیومیٹری کی ڈرائنگ کی طرح معلوم ہوتی ہیں، اسی لیے قدرتی لائنز یعنی قدرتی طور پر جتنی بھی داڑھی آئی ہے اسی پر خوش رہنا سیکھیں ورنہ آپ خود مزاق بن سکتے ہیں۔
چہرے کی گولائی:
چہرے کی گولائی اکثر چہرے کی چربی کو اور موٹاپے کو واضح کرتی ہے، تو اس صورتحال میں آپ داڑھی کو ڈھلان میں لا سکتے ہیں۔
اس سے آپ کے چہرے پر موجود موٹاپا واضح طور پر نہیں دکھ پائے گا۔
بڑھتی داڑھی کو سنواریں:
اگر آپ کی داڑھی بڑھتی جا رہی ہے تو اسے بڑھاتے وقت بھی چند چیزوں کا خیال رکھنا آپ کو فائدہ پہنچا سکتا ہے۔
اکثر داڑھی بڑھاتے وقت اس بات کا خیال نہیں رکھا جاتا ہے کہ داڑھی کی سٹینگ کس طرح کی جائے، لیکن یہی سیٹنگ کافی پُر اثر ہو سکتی ہے۔
اس کے علاوہ ان افراد کے لیے جو کہ داڑھی کو بڑھانا تو چاہتے ہیں لیکن چہرا پتلا بھی دیکھنا چاہتے ہیں تو ایسے افراد کلموں سے داڑھی کو کم کر سکتے ہیں جس سے چہرا پتلا دکھائی دے سکتا ہے۔