یوں تو دانتوں کو صاف رکھنا چاہیے اور اس کے لئے ڈاکٹر توٹھ پیسٹ سے برش کرنے کے علاوہ بار بار کلی کرنے کا مشورہ بھی دیتے ہیں۔ البتہ حال ہی میں برطانوی ماہر دندان ساز نے خبردار کیا ہے کہ 3 اوقات میں دانت میں برش کرنے سے گریز کرنا ہی بہتر ہوتا ہے۔ آئیے جانتے ہیں وہ اوقات کون سے ہیں۔
الٹی یا متلی کی کیفیت ہو تو اس وقت دانتوں میں برش نہیں کرنا چاہیے کیونکہ معدے سے تیزابی مواد باہر آتا ہے اور اس وقت برش کرنے سے تیزاب دانتوں کو بھی نقصان پہنچا سکتا ہے۔
کھانا کھانے کے فوراً بعد دانت برش کرنے سے پرہیز کرنا چاہیے کیونکہ اس وقت بھی بیکٹیریا میٹابولائز کر کے کھانے کو تیزاب میں بدل دیتے ہیں۔
کسی میٹھی چیز کو کھانے کے بعد منہ میں موجود بیکٹیریا خوراک حاصل کرتے ہیں جس سے تیزابیت پیدا ہوتی ہے۔ برش کرنے سے پہلے آدھے گھنٹے سے ایک گھنٹہ انتظار کرنا چاہیے تاکہ لعاب منہ میں موجود تیزابیت کو نیوٹرلائز کرسکے۔