ویسٹ انڈیز کرکٹ ٹیم کو دھچکا ،اہم بیٹر برینڈن کنگ آئی سی سی ٹی 20 ورلڈ کپ سے باہر ہو گئے۔
ویسٹ انڈیز کرکٹ کے مطابق برینڈن کنگ انجری کا شکار ہوئے ہیں جس کی وجہ سے وہ ایونٹ میں مزید نہیں کھیل سکیں گے۔
یاد رہے کہ سپر 8 مرحلے میں 19 جون کو ویسٹ انڈیز اور انگلینڈ کے درمیان کھیلے جانے والے میچ میں برینڈن تکلیف کے باعث ریٹائرڈ ہرٹ ہو گئے تھے۔
ٹی 20 ورلڈ کپ: شائے ہوپ کی شاندار بیٹنگ، ویسٹ انڈیز امریکا کیخلاف 9 وکٹ سے فتح یاب
دوسری جانب آئی سی سی ایونٹ ٹیکنیکل کمیٹی نے ویسٹ انڈیز کو اسکواڈ میں تبدیلی کی اجازت دی ہے ، جس کے بعد ٹیم انتظامیہ نے کائل مائیرز کو برینڈن کنگ کی جگہ سکواڈ کا حصہ بنا لیا ہے ۔