لداخ میں چینی سرحد پر دریا عبور کرنے کی کوشش کے دوران بھارتی فوج کا ٹینک دریا برد ہو گیا، جس کے نتیجے میں 5 فوجی ہلاک ہو گئے۔
بھارتی میڈیا رپورٹس کے مطابق فوجی مشقوں کے دوران بھارتی فوج کا ٹی-72 ٹینک دریائے شیوک میں دولت بیگ اولڈی کے مقام پر دریا برد ہو گیا۔
سیاچن: برفانی تودہ گرنے سے 4بھارتی فوجیوں سمیت چھ افراد ہلاک
ٹینک پر بھارت کے ایک جونیئر کمیشن آفیسر سمیت 5 فوجی اہلکار سوار تھے جو حادثے میں ہلاک ہو گئے، ریسکیو حکام نے دریا سے پانچوں فوجیوں کی لاشیں نکال لیں۔
بھارتی فوج کے کمانڈ سینٹر کی جانب سے جاری کردہ بیان میں کہا گیا ہے کہ یہ حادثہ ایک فوجی ٹریننگ کے دوران دریائے شیوک میں پانی کی سطح میں اچانک اضافے کے باعث پیش آیا۔