روہت شرما کی زیر قیادت بھارتی ٹیم نے ٹی ٹوئنٹی ورلڈکپ اور ایشیا کپ سمیت کئی اہم فتوحات حاصل کیں۔ ان کامیابیوں نے نہ صرف روہت کے کیریئر کو نئی بلندیوں پر پہنچایا بلکہ ان کے اثاثوں میں بھی نمایاں اضافہ کیا۔
ورلڈکپ میں شاندار کارکردگی کے بعد بھارتی کرکٹ بورڈ نے ٹیم کو 125 کروڑ بھارتی روپے کا انعام دیا، جس کے بعد روہت شرما نے حیران کن طور پر ریٹائرمنٹ کا اعلان کیا۔ تاہم، کچھ ماہ قبل سامنے آنے والی ایک رپورٹ میں انکشاف ہوا کہ پچھلے سال کے مقابلے میں روہت کے اثاثے کم ہوگئے ہیں۔
بھارت کے کامیاب ترین کپتان کتنے دولت مند ہیں؟
پچھلے سال بھارتی میڈیا میں شیئر کی گئی رپورٹ کے مطابق، روہت شرما کی کل دولت 30 ملین امریکی ڈالر (248 کروڑ بھارتی روپے) تھی، لیکن جولائی 2024 میں سامنے آنے والی نئی رپورٹ میں ان کی دولت کم ہوکر 214 کروڑ بھارتی روپے تک بتائی گئی ہے۔
روہت شرما کی آمدنی
پراپرٹی اور لگژری کاریں آئیے نظر ڈالتے ہیں روہت شرما کی شاندار تنخواہ، مہنگی جائیدادوں اور پرتعیش کاروں کے کلیکشن پر۔
بی سی سی آئی سے ملنے والی تنخواہ روہت شرما بھارتی کرکٹ ٹیم کے A پلس گریڈ کے کھلاڑیوں میں شامل ہیں، جس کے تحت وہ بورڈ سے 7 کروڑ بھارتی روپے سالانہ معاوضہ حاصل کرتے ہیں۔
برانڈز کی تشہیر
روہت شرما تقریباً 28 بڑے برانڈز کی تشہیر کرتے ہیں، جن سے وہ بھارتی میڈیا کے مطابق ہر سال تقریباً 5 کروڑ بھارتی روپے کماتے ہیں۔
روہت شرما کی لگژری کاریں
روہت شرما کو آٹوموبائلز کا خاص شوق ہے، ان کے پاس قیمتی کاروں کا بہترین کلیکشن موجود ہے جس میں اسکوڈا لورا، ٹویوٹا فارچیونر، بی ایم ڈبلیو X3، مرسڈیز اور فارمولا ون ایڈیشن کی بی ایم ڈبلیو M5 شامل ہیں۔
روہت شرما کی شاندار جائیداد
روہت شرما ممبئی کے آہوجا ٹاورز کی 29ویں منزل پر واقع ایک شاندار اپارٹمنٹ میں رہتے ہیں، جو 53 منزلہ عمارت کا حصہ ہے۔ یہ فلیٹ انہوں نے 2015 میں خریدا تھا جس کی مالیت اب 30 کروڑ بھارتی روپے ہے۔ یہ عالیشان اپارٹمنٹ 6 ہزار مربع فٹ پر پھیلا ہوا ہے، جس میں 4 بیڈ رومز اور لگژری سہولیات موجود ہیں۔
روہت شرما کی کپتانی کا سنہری دور
روہت نے 2022 سے 2024 تک بھارتی کرکٹ ٹیم کی تینوں فارمیٹس میں کپتانی کی۔ اس دوران روہت نے کئی ریکارڈز اپنے نام کیے اور بھارتی ٹیم کو بھی تاریخی کامیابیاں دلائیں۔