اسلام آباد ہائیکورٹ کے تین ججز کی کاز لسٹ منسوخ کر دی گئی ہے جس کے باعث وہ مقدمات کی سماعت کیلئے دستیاب نہیں ہوں گے۔
جسٹس میاں گل حسن اورنگزیب کی ڈینگی بخار کے باعث کورٹ کی کاز لسٹ منسوخ کر دی گئی۔ وہ ڈینگی کے باعث ڈاکٹر کے مشورے پر بیڈ ریسٹ پر ہیں اسلئے آج اور کل کیسز کی سماعت کے لیے دستیاب نہیں ہوں گے۔
کیا ایس ایچ او کی تنخواہ میں ایف سکس ، ایف سیون میں گھر بن سکتا ہے ؟ اسلام آباد ہائیکورٹ
دوسری جانب جسٹس طارق محمود جہانگیری کی کورٹ میں بھی ایک ہفتے کی کاز لسٹ منسوخ کر دی گئی ،جسٹس طارق محمود جہانگیری 23 اکتوبر تک مقدمات کی سماعت نہیں کریں گے۔
علاوہ ازیں جسٹس ارباب محمد طاہر بھی مقدمات کی سماعت کے لیے آج دستیاب نہیں ہوں گے جبکہ جسٹس بابر ستار پہلے ہی اس ماہ کے اختتام تک ایک مہینے کی چھٹی پر ہیں۔