حوثیوں‌ کو اسلحہ کی سپلائی، ایران سلامتی کونسل کی قراردادیں پامال کر رہا ہے: پومپیو

العربیہ  |  Feb 15, 2020

امریکی وزیر خارجہ مائیک پومپیو نے ایران کی طرف سے یمن کے حوثی باغیوں کو اسلحہ اور گولہ بارود کی ترسیل کی شدید الفاظ میں مذمت کی ہے۔ ان کا کہنا ہے کہ ایران حوثی ملیشیا کو اسلحہ سپلائی جاری رکھ کر سلامتی کونسل کی قراردادوں کی سنگین خلاف ورزیوں کا مرتکب ہو رہا ہے۔

العربیہ ڈاٹ‌ نیٹ کے مطابق ایران سے حوثی باغیوں کو بھیجا گیا اسلحہ راستے میں پکڑا جانا اس بات کا ثبوت ہے کہ ایران دہشت گردی کا سب سے بڑا پشت پناہ اور سرپرست ہے۔ انہوں نے کہا کہ ایران نے حوثیوں کو اسلحہ کی اسمگلنگ جاری رکھ کر سلامتی کونسل کی قراردادوں کو بھی چیلنج کیا ہے۔ امریکی وزیر خارجہ نے ایران کی طرف سے حوثیوں کو اسلحہ کی سپلائی روکنے کے لیے عالمی برادری سے تہران کے خلاف کارروائی کا مطالبہ کیا۔

The world must reject Iran’s violence and act now to renew the expiring @UN arms embargo on #Iran.

— Secretary Pompeo (@SecPompeo) February 14, 2020

مائیک پومپیو نے 'ٹویٹر' پر پوسٹ کردہ ایک بیان میں بتایا کہ حال ہی میں امریکی نیوی نے ایرانی ساختہ 385 میزائل پکڑے جنہیں یمن کے حوثی باغیوں کو بھیجا گیا تھا۔ انہوں نے کہا کہ ایران کی طرف سے یمن کے حوثی باغیوں کو اسلحہ سپلائی کرنا اس بات ثبوت ہے کہ ایران نہ صرف خطے میں دہشت گردی کی پشت پناہی کر رہا بلکہ تہران یمن کے حوالے سے سلامتی کونسل کی قراردادوں‌ کو بھی پامال کر رہا ہے۔

شاهد مصادرة البحرية الأميركية لأسلحة وصواريخ إيرانية في بحر العرب pic.twitter.com/AaTzceSP2w

— العربية (@AlArabiya) February 13, 2020
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More